Nigeria TV Info 

Dangote ya shigo da lita biliyan 1.46 na hadadden mai – NMDPRA

Hukumar kula da harkokin mai ta Najeriya (NMDPRA) ta bayyana cewa matatar Dangote ta shigo da kimanin lita biliyan 1.46 na hadadden mai (gasoline blendstock) tsakanin Janairu zuwa Mayu 2026, duk da karuwar samar da danyen mai a cikin gida.

Rahoton NMDPRA ya nuna cewa wannan hadadden mai ba a sayar da shi kai tsaye ga jama’a ba, amma ana amfani da shi wajen tace fetur domin samar da Premium Motor Spirit (PMS) mai inganci.

Bayanan sun nuna cewa matatar ta shigo da:

• Janairu: lita miliyan 658.31
• Fabrairu: lita miliyan 306.89
• Maris: lita miliyan 102.35
• Afirilu: lita miliyan 147.37
• Mayu: lita miliyan 240.59

Jimillar ta kai kusan lita biliyan 1.46.

NMDPRA ta kuma ce matatar ta yi aiki da kusan kashi 101.25% na ƙarfin ta a watan Mayu, tana samar da kusan lita miliyan 44.7 na fetur a kowace rana.

Masana sun ce wannan yana nuna yadda ake daidaita tsakanin samar da danyen mai da shigo da kayan tacewa domin tabbatar da ci gaba da samar da mai.